عبير العسكري تكتب من كندا : عن غزة و مصر و طغاة العصر و لا تستثني احدا

إلى كل قوادى العرب من أصحاب الجلالة والفخامة والسمو لن أستثنى منهم احدا
إلى كل من هان عليهم دماء الأطفال والنساء والشيوخ فى فلسطين المحتلة
إلى كل من تاجر بدماء الشهداء الطاهرة
إلى كل من ارتضى الصمت واكتفى بالشجب والاستنكار والإدانة
إلى كل من لم يمسح دموع أطفال غزة
إلى مثقفى الأمة الذين اكتفوا بمجرد الصراخ أمام ميكروفونات الفضائيات المختلفة
إلى كل من هم مثلى ممن لا يملكون شئ لتقديمه لهؤلاء الأبطال
القدس عروس عروبتكم
يا وطني المعروض كنجمة صبح في السوق
في العلب الليلية يبكون عليك
ويستكمل بعض الثوار رجولتهم
ويهزون على الطبلة والبوق
أولئك أعداؤك يا وطني
من باع فلسطين سوى أعدائك أولئك يا وطنى
من باع فلسطين واثرى بالله
سوى قائمة الشحاذين على عتبات الحكام
ومائدة الدول الكبرى ؟
فأذا أجن الليل تطق الاكواب بأن القدس عروس عروبتنا
أهلا أهلا
من باع فلسطين سوى الثوار الكتبة ؟
أقسمت بأعناق أباريق الخمر
وما في الكأس من السم
وهذا الثوري المتخم بالصدف البحري ببيروت
تكرش حتى عاد بلا رقبة
أقسمت بتاريخ الجوع ويوم السغبة
لن يبقى عربي واحد ان بقيت حالتنا هذي الحالة
بين حكومات الكسبة
القدس عروس عروبتكم
فلماذا ادخلتم كل زناة الليل الى حجرتها
ووقفتم تسترقون السمع وراء الابواب
لصرخات بكارتها
وسحبتم كل خناجركم
وتنافختم شرفا
وصرختم فيها ان تسكت صونا للعرض
فما أشرفكم
أولاد القحبة هل تسكت مغتصبة ؟
أولاد القحبة
لست خجولا حين اصارحكم بحقيقتكم
لان حظيرة خنزير أطهر من أطهركم
تتحرك دكسة غسل الموتى
اما انتم
لا تهتز لكم قصبة
الان اعريكم
في كل عواصم هذا الوطن العربي قتلتم فرحي
في كل زقاق أجد الازلام أمامي
أصبحت أحاذر حتى الهاتف
حتى الحيطان وحتى الاطفال
أقيء لهذا الاسلوب الفج
تعالوا نتحاكم قدام الصحراء العربية كي تحكم فينا
اعترف الان امام الصحراء
اني مبتذل وبذيء وحزين
كهزيمتكم يا شرفاء مهزومين
ويا حكاما مهزومين
ويا جمهورا مهزوما
ما أوسخنا ... ما أوسخنا ... ما أوسخنا
ما أوسخنا لا أستثني أحدا
نفسى اعرف ميتين أم القوادين اللى على كراسى الحكم دول عاوزين ايه
مرزوعين على كراسيهم أكتر من ربع قرن وتخطوا السبعين سنة قضوها فى
مص دم الغلابة وسرقة قوتهم وبلادهم متبينوا أم كرامة حتى لو بالكذب يمكن
حد يفتكرها لكم.. بجد حاجة وسخة أوى اللى بيحصل ده الناس بتقولى مش
بتكتبى ليه والسبب ببساطة انى جوايا كم قرف ومرارة تسد نفس أى حد مهما
كان مش بس عن الكتابة لأ كمان عن سماع الاخبار
ايه القرف والفجر ده أخبار العرب كلها قتل وتعذيب واعتقال وظلم واستبداد
وديكتاتورية ،كله ضرب ضرب مفيش شتيمة .بس الحق لله مصر كالعادة قلب
الوطن العربى وقيادته فى كل شئ كل يوم تسمع ان فيها قتلوا فلان فى القسم
الفلانى ودهسوا بنت بعربية
شرطة فى المكان العلانى والصبح رموا واحد من بلكونة وبالليل عذبوا طفل لحد
ما جابوا له تخلف واغتصاب بنات وسيدات فى اقسام الشرطة والحكومة القوادة
يا دوب تنقل الضابط لمركز تانى بعيد شوية علشان يفجر براحته ويعمل اللى هو
عاوزه فى الدروة واعتقال الاخوان وتعذيب الناصريين وتلفيق تهم للشيوعيين
ومطاردة الشيعة وحبس الصحفيين والتربص للمدونين وضرب القضاة واختطاف أساتذة الجامعة
من الشوارع والتعدى على المحامين وأطباء بلا حقوق واستيلاء على أراضى
الفلاحين لصالح الاقطاعيين الجدد أصحاب ننوس عين أمه ولى العهد والعمال
كل يوم إضراب علشان حقوقهم المسلوبة والمهندسين محاصرين وتحت
الحراسة أما الطلبة فلهم الله على كل لون يا قمع اعتقالات وتعذيب وتلفيق تهم
وهتك عرض وفصل من الجامعات وضياع مستقبل والاغتيالات الحكومة
بتنفذها على عينك يا تاجر والرد جاهز كان مكتئب ووقع من البلكونة زى
أشرف مروان وسعاد حسنى برة والفيلالى وايمن اسماعيل جوة السجن فى
مصر وربنا يستر على أيمن نور اللى متأكدة انهم مش هيسيبوه يعيش وهيقتلوه
فى أى وقت والله قرفت وتعبت من الاخبار اللى باسمعها وباتابعها وقلبى مع
أصحابى وأهلى فى مصرلأن ظروفهم أصعب بكتير الكل مضغوط ومطحون
وبيلف فى ساقية غيرتهم وفرقت بين الأصحاب وزرعت الريبة والخوف فى
النفوس وخلت الأصحاب مبقوش أصحاب وادت فرصة للمدعين وأنصاف
الموهوبين والمزايدين يركبوا الموجة وعلى رأى إعلامى عربى مقدم برنامج
سياسى مشهور قالى الحكومة المصرية دلوقت بتخلق معارضة عن طريق
مقدمى برامج سياسية بتعرض حاليا على قنوات يملكها رجال اعمال واعضاء
لجنة السياسات اللى كمان بيحاولوا يشتروا الجرايد المستقلة وبتفرق بين
النشطاء السياسيين وبتخلق نجوم جدد بتوعها حاجة كدة زى زكريا عزمى
اللى لما تسمع كلامه تقول معارض جسور ولما تبص لمنصبه تعرف على طول
هو تبع مين
أنا مش عارفة كتبت ايه بالظبط وايه علاقة الجمل ببعضها بس لأول مرة باحس
انى باكتب اللى جوايا من غير حسابات ولا ديسك للكلام انا قرفانة بجد وتعبانة
جدا من اللى بيحصل فى مصر والدول العربية يمكن لأن كل ما أقرأ وأسمع
يتقفل باب الرجوع تانى لمصر فى وشى ارجع ازاى وليه وفين
وارجع علشان أدخل معارك جانبية وأكون مع أو ضد ناشط وآخر ولا ارجع
اشتغل فى جريدة مستقلة يملكها بقال بيدى الناس 150 جنية ويعد عليهم ورق
الدشت ولا اشتغل فى جريدة اليسار اللى على الورق مع حقوق العمال وهى
بتنتهك حقوق اللى شغالين معاهم وبتتفاوض معاهم على ابسط حقوقهم ولا
اشتغل فى جورنال بيعتمد على سياسة الصور العريانة وشتيمة الاخوان واللى
مايشترى يتفرج ولا فى جريدة حزبية من اللى بيعينوا بتاع البوفيه صحفى لأنه أكثر
ولاءا لمبادئ الحزب العريق من صحفى حقيقى ولا ارجع اشتغل فى مجلة ولا
جورنال من اللى بيصدروا فى لاظوغلى ولا ارجع اشيل شنطة رئيس التحرير
ولارئيس مجلس الادارة ولا ايه؟ كلام أصدقاء صحفيين كل يوم عن معاناتهم فى
جرايدهم وكل واحد فيهم نفسه فى فرصة تخليه يهج من أم البلد بيزود احساسى
بالمرارة والكلام ده على المستوى المهنى أما بالنسبة للحياة السياسية فهى
زى ما الكل شايفها مصر بقت كلها زعماء وأبطال وبندور دلوقت على مواطنين
عاديين يصلحوا لدور الأعضاء بس مع الاسف مفيش اعضاء الناس كلها ابطال
وزعماء وكله بيزايد على كله ومفيش غير سياسة معايا ولا معاهم وما يتبعها
طبعا من سياسات الاتهام والتخوين والعمالة والتطبيع وأحيانا تحول أوراقك
لفضيلة المفتى وفى وسط كل ده كلاب الداخلية شايفين شغلهم كويس وبيحطوا
النار على البنزين وتشتغل الاعتقالات والبهدلة ومحدش بيسأل على حد بالكتير
مظاهرة ويتلم الناس من الميدان بطريقة مهينة مش بتستخدمها الحكومة مع
حرامية غسيل فى حارة شعبية تلم الناس فى العربيات وترميهم فى الصحرا
منتهى قلة الادب والاستهانة بالمعارضة ده لو كان فيه معارضة بالمعنى الفعلى
فعلا مش عارفة الكلام ده ايه علاقته ببعض بس حسيت انى عاوزة اصرخ
واقول الكلام ده يمكن تكون الغربة بتغير وتخلينا نفكر بالراحة ونشوف
الصورة من كل جوانبها وتخلينا نشوف اخطائنا اللى كلنا بنرتكبها ومش واخدين
بالنا ويمكن دى الوحدة لما تنهش قلب وعقل المغترب اللى ساب حياته وأهله
وأصحابه ومع الأيام الناس عمالة تقع منه والأصحاب يتغيروا وينسوا كل
حسناتك وممكن يقفوا عند سيئة من وجهة نظرهم وما تكونش موجودة اساسا
بالظبط زى واحد كان بيكذب علشان ينقذ صاحبه اكتر من مرة وصاحبه مش
بيقوله حاجة لانه بتتفك أزمته بالكذبة دى ومرة واحدة يقرر الصاحب انه يقطع
علاقته بالشخص ده لانه توهم انه كذب عليه رغم انه ممكن تكون دى اكتر مرة
الشخص ده كان صادق فيها بس احسن كويس إن الايام بتكشف الناس
اسفة على الهرتلات دى اللى انا مش فاهماها لكن حاساها اوى .

نقلا عن مدونة غريبة .

الفلسطينيون يهددون سيادتنا علي اراضينا .... كلام المباحث !!

في ليلة و ضحاها خرج رجال السلطة و كتبة السلطان علينا بنغمة شاذة و تافهة و لا تعبر الا عن اوامر صادرة من مباحث امن الدولة هذه النغمة التي يرقص علي صوتها الطبالين و الزمارين و رجال الامن في الاعلام المصري فحواها ان الفلسطينيين الذين فروا من جحيم الحصار في غزة الي سيناء المصرية يهددون امننا القومي و يمسون سيادة مصر علي اراضيها .

و طبعا استخدم هؤلاء المدلسين واقعة اصابة جندي او اكثر علي الحدود المصرية في اشتباكات مع الفلسطينيين الذين يفرون من الموت في الايحاء بأن هؤلاء المساكين يهددون سيادتنا علي اراضينا .

هؤلاء المتباكين علي السيادة المصرية لم نسمع لهم صوتا و اسرائيل - العدو الحقيقي - تقتل جنودنا علي الحدود المصرية و لم نراهم يدينون هذا الانتهاك لسيادتنا علي اراضينا .

هؤلاء الذين يعتبرون ان فرار اخواننا الفلسطينيين من الموت يعتبر اعتداء علي سيادتنا لم يتحدثوا بكلمة واحدة عن سيادتنا المنتهكة طيلة 26 عاما هي فترة حكم حسني مبارك لمصر ، و لم يعتبر احدهم اننا كنا طيلة هذا العهد السعيد مجرد اتباع للولايات المتحدة الامريكية تأمر و تنهي و تطلب و تشخط و مع ذلك اعتبر هؤلاء ان المهدد لسيادتنا ليست امريكا و لا الكيان الصهيوني المحتل بل الفلسطينيين المساكين .

هؤلاء افضل لهم و لنا ان يخرسوا و لا يسمعونا صوتهم و يحطوا في عينهم حصوة ملح و يختشوا ..... و بس .

زميلنا الجميل محمد الخولي يكتب : عن محمود بدر و جيله و الاستبداد و الغد القادم .

صديقى العزيز القومى الناصرى محمود بدر كم انا سعيد حزين بما حدث لنا مساء امس الاول، نعم ياصديقى أختلط لدى الشعورين ، فرح مسرور بالحماس الذى وجدتة فى عيون هؤلاء الفتية والصبية الذين حضروا من كل مكان ليؤكدوا عندى على مفاهيم كانت قد بدأت فى الاندثار أكدوا لدى ان هذا البلد ما زال يحمل بين طياته من يستطيع تغير هذا النظام ، ان فيه من يحلم بغد مرفوعه فيه رايات العزة والكرامة والشرف ، شباب يحلمون بالتغير وبوطن واحد لا يفرق بينهم شئ لاحدود ولا حواجز ولا معابر مغلقة ، شباب قادر ان يقول " لا " وبصوت عالى ، شباب يحلم بغد لا يوجد فية من يبيع لحمنا ودمنا ومائنا وغازنا لاسرائيل وأمريكا ويرتمى فى أحضان الغرب ، غدا لا يوجد فية ساكنى قصور وأخرون لم يجدوا مكانا حتى فى القبور فأختاروا الشارع أو تحت الكبارى سكنى لهم ،،،،، فى عيونهم ياصديقى رأيت الغد مشرقا ً والفجر قريب ووقت زوال الغمة قد حان وآوان الحصاد قد حل ، سوف يأتى عما قريب ربما غدا أو بعد غدا لكنه حتما سوف يأتى سوف يأتى عندما نتحد جميعا نحن هنا فى مصر مع رفقائنا فى فلسطين وولبنان وسوريا والعراق واليمن والمغرب والجزائر وتونس وليبيا والسودان وغيرها من بلداننا العربية ، سوف تجتمع تلك الشعوب ياصديقى ولن نقول يومها " اين الجيوش العربية " لان الشعوب نفسها سوف تكون هى الجيوش سلاحها هتاف يعبر عن كل شئ تعانى منه عن الفرقة والعزلة وحصار حكامها لها سوف يأتى لا ريب فلا تحزن ياعزيزى . رأيت فى عينيك حزن كبير عندما أستطاعت قوات الامن منع وقفتكم للتضامن مع أهلنا فى غزة وان الحق عليك أن تسعد نعم تسعد ، هنا ياصديقى تعرف حجم الزعر الذى يعيش فيه نظامنا اللعين العميل ألم تعجب من كل هذة القوات والضباط والعساكر والقلق الذى كان فى الميدان ؟ ألم يلفت نظرك كم كان الخوف يسيطر عليهم ، كل هذه القوات لاجل ماذا لاجل مجموعة من الشباب جاءوا يشعلون الشمع ليس إلا، جاءوا ليقولوا للعالم ان هذا البلد به شرفاء غيورين على عروبتهم وأرضهم المدنسة ونسائهم المستباحة وأطفالهم المذبحة وشبابهم المقتلة والمعذبة فى سجون المحتل وشيوخهم المهانة من من ؟ من محتل كلب ..... لكن كان عليك ياصديقى انت ورفاقك ان تعرفوا أن هذا النظام لا يريد فى هذا البلد شرفاء يريدنا ان نكون مثلة متخاذلين عملاء نبوس القدم ونبدى على طول الندم ونرضى بما يقولوه ولا نجادل ولا نناقش أى قرار حتى لو كان تسليمهم زوجاتنا أو ذبح اباءنا ، كان يكفيك أن تنظر إلى عين أحد الضباط لتعرف مدى ذلة وخذيه من نفسه ، لكن ياصديقى أبشر ولا تحزن فطالما هناك أمثال الشباب الذين رأيتهم أمس وطالما وجدت تلك الحماسة فيهم فأنى واثق ان النصر قريب وسنرفع معا علم العزة والكرامة على القصرالجمهورى المصرى قريبا بعد رحيل هذا المحتل الذى للاسف مصرى الاصل ولنذهب لكل أقطارنا العربية بالنصر المبين . محمد الخولى

سوهارتو مات .. بالسلامة عقبال الباقيين .

قرأت امس عن وفاة الديكتاتور الاندونيسي سوهارتو .
مات الديكتاتور الذي حكم اندونيسيا لاكثر من ثلاثين عاما بالقمع و القهر و الاستبداد و البوليس و المباحث .
مات بعد ان عاني من المرض لعدة سنوات ، مات الديكتاتور الذي كان يظن انه سيخلد في الحكم الي الابد .
ربما لم يكن يتصور و هو في الحكم يأمر و ينهي و يطغي و يستبد بخلق الله انه سيأتيه اليوم الذي يموت فيه و يحاسبه الله سبحانه و تعالي و يحاسبه التاريخ ايضا .
مات سوهارتو بعد ان دفع ثمن طغيانه و استبداده و بعد ان لقنه شعبه درس لا ينسي و خلعه من كرسي العرش الذي ظل جالسا فوقه و جاثما علي قلب شعبه اكثر من ثلاثين عاما .
الغريب في الامر ان سوهارتو قبل وفاته بأيام قليلة كانت هناك مطالبات من الشعب الاندونيسي بمحاكمته رغم مرضه ، بما يؤكد ان الشعوب لا تنسي طغاتها و لا تغفر لجلاديها .
اذا فقد سقط ديكتاتور ربما يتعظ غيره من الطغاة .... و علي كل حال فإن سقوط ديكتاتور هو امل لباقي الشعوب المضطهدة التي تنتظر رحيل مستبديها ...
رحل سوهارتو .... عقبال الباقيين .

عنهم .... زملائي و اصدقائي الاعزاء

اصعب شيء ان يتورط الانسان في تقييم الاخرين بهذا الشكل العلني و المتهور الذي سأفعله حالا ، و رغم ذلك فأني سأفعل لسبب بسيط هو انني لم انشيء هذه المدونة الا لاكون متهورا و اعبر عن تهوري و جنوني و حماقتي المتناهية .
شيء اخر هو ان اصدقائي في الدستور يستحقون تحمل حماقاتي و ايضا تقييمي فهؤلاء هم الذين اراهم اكثر مما اري اسرتي .
بداية فليعذرني كل انسان في الدستور في تقييمي له فهو موقفي الذي بنيته علي تصرفات و علي مشاهدات و علي مراقبة من بعيد لبعيد
و يبدو التقييم في كثير من الاحيان مجرد رؤية قد تصح و قد تخطيء و قد تختلف مع الزمن .
يلا بينا ناخد جولة في الدستور و ناسها و نبدأ بأوضة استاذ خالد السرجاني و بعدين نروح علي 127 الصالة التانية يعني .
نبدأ بصديقي العزيز مصطفي بسيوني اللي عمري ما قيمته قبل كده و لازم اخليه يندم انه عرفني .
مصطفي بسيوني : ببساطة هو المخلص مصطفي كل كلمة بيقولها مؤمن بيها لدرجة تفوق التصور ، عنده قدرة هايلة علي التحليل و قراءة الاخرين جدع بشكل لا تتخيله ، لكن و في لكن دي يسكن الشيطان مصطفي في كثير من الاوقات بيتوتر و يفقد اعصابه و ساعتها بتكون حساباته و تصرفاته عصبية اكتر من اللازم ، يلا نعمل ايه حظنا كده . صباح الفل يا درش .
نروح لمين تاني ؟ امممممم

احمد القاعود : احمد انسان جدع جي من الريف بكل النقاء اللي لسة شايلة ، طيب جدا و شاطر و نشيط و بيفهم لكن عنده مشكلة بحسها فيه انه عنده تصورات مسبقة عن حاجات كتير ميعرفهاش كويس و مع ذلك مش بيفكر يراجع موقفه منها .

محمد الخولي الجميل : محمد ده بقي حالة استثنائية لانه بجد حساس و بيفهم كويس و عنده رغبة مستمرة في انه يتعلم وصحفي جميل بيكتب كويس جدا ، و ابتسامته الدايمة تدل علي انه مهذب و خلوق ، محمد مشكلته الوحيدة في رأيي انه جه القاهرة و سلم شوية لحياة الناس مفرضش حياته عليهم .

طارق عبد العزيز: طارق عمري ما شفت منه غير انه انسان مهذب و بيتعامل مع كل الناس بروح ودودة و جميلة و خجول جدا ده لغاية دلوقتي ممكن بعدين اغير وجهة نظري عنه ههههههههه .

عبد الرحمن عبادي : عبد الرحمن انسان طيب و مهذب و شاطر و عنده طموح بس هو مشكلته ان اداءه فيه روح الموظف اكتر من روح الصحفي و دي مشكلة حلها بسيط انه يعتزل الصحافة و يشتغل موظف هههههههههه لا طبعا حلها انه يركز في دور الصحفي .

ندخل علي البنات اوكي ندخل مندخلش ليه احنا صغيرين ،
نبدأ بميييييييييين ؟
نبدا برنا ممدوح : رنا دي زي النسمة طيبة ، و بسطية و اداءها مش متكلف و صحفية شاطرة و مجتهدة و عندها قبول رباني ، بس مشكلتها اني بحس ان وجودها في المكان علشان الشغل بس مش مهم تعرف الناس و تاخد خبرات جديدة، لكن عموما بدأت اغير رأيي قريب ، طبعا عاوزين تعرفوا ليه انا غيرت رأيي ، بصراحة مش ح اقول لكم و اللي مش عاجبه يخرج من المدونة .
طيب شيماء عبد اللطيف : طبية و جدعة و بنت بلد و بجد مريحة جدا في تعاملاتها الانسانية لكن اصعب شيء في شيماء انك تحس انها دايما مرتبكة و بتدور علي حاجة ايه هي مش عارف و اظن انها هي كمان ما تعرفش .

شيماء ابو الخير : شيماء جدعة و تعاملهت متحضر معاصدقائها و انسانة تقدر بجد تتحاور معاها و تناقشها و تفهمك و تفهم منك و كمان صحفية مجتهدة و عندها طموح بس مشكلة شيماء انها كتير من الناس بتاخد فكرة مسبقة عنها انها مغرورة و بتتعامل بتعالي اصل الفكرة دي ايه و جت منين الله اعلم .

نروح 127 اوكي نروح ما نروحش ليه
طبعا ح نبدا بعمنا العظيم و صديقي العزيز ادم الجميل ، ادم انسان بجد هو ده ملخص الموضوع جدع و شهم و ابن بلد و صحفي مدهش و انساني في تصرفاته لابعد الحدود لكن مشكلة ادم ان حياته كلها محتاجة ترتيب و تنظيمعلشان يكون افضل في مواعيده و شغله و ارتباطاته .

نروح علي سيد تركي : سيد انسان مهذب جدا و جدع جدا و شفاف جدا و صحفي جدا برضو ، لكن مشكلة سيد الاساسية جاية من اجمل ما فيه لانه شفاف بجد فهو سريع الاحباط و الاكتئاب و المشكلة ان احباطه و اكتئابه بيطول جدا و مش بينتهي بسرعة .

هاني الاعصر : هاني انسان طيب واجمل ما فيه طموحه هو عاوز يكون حاجة كويسة و دي ميزة مش موجوده في اغلب الناس اللي بتضيها و خلاص ، كمان هو انسان و حساس لكن هاني محتاج يرسي و يهدا شوية انا حاسس انه مرة حيتسبب في رار اعتقال لينا كلنا نروح نقضي 6 سنين في وادي النطرون هههههههههههه

بيسان : بوسي هو ده اجمل وصف للبنت بيسان ، بيسان نفس شقاوة الاطفال و براءتهم نفس دهشتهم الدايمة و سرعة انفعالهم بوسي طفلة شقية و بريئة جدا و صحفية شاطرة و بتفهم كويس جدا - طبعا مش اهلها ناصريين هههههههههه - لكن مشكلة بيسان ان ردود افعالها دايما مش محسوبة يعني ممكن تنط من الشباك مثلا علشان ملقتش نسخة الجورنال بتاعها موجودة .

رحاب الشاذلي : رحاب دي نموذج للبنت اللي الغربة علمتها حاجات حلوة ، يعني شهامة و مشاركة و طبعا هي صحفية شاطرة و مجتهدة جدا لكن مشكلة رحاب انها ممكن تعمل تتخانق و تنفعل بسرعة لاسباب مش كبيرة يعني .

هدي ابو بكر : صديقة زكريا بيه ، هدي نموذج للطيبة و الوقار ، مجتهدة جدا و مهتمة بالشغل جدا و رقيقة جدا في تعاملها مع الناس و مركزة كويس مع القضاة ههههههههه مشكلة هدي اني بحس في كتير من الاحيان ان فيه حاجة نقصاها بتدور عليها و مش لاقياها ايه هي مش عارف بالظبط لكن ممكن ندور مع بعض يا هدد .

و بعد هذه هي رؤيتي فيكم و بس و اللي مش عاجبه له مطلق الحرية انه يخاصمني و اوعدكم ساعتها ح اكون سعيد جدا و ح يبقي الموضوع جاب النتيجة المطلوبة .